O IES DE BECERREÁ PARTICIPOU NO II TORNEO DE BÁDMINTON INTERCENTROS CELEBRADO NO COLEXIO DE CERVANTES

Participantes da II Edición do Torneo de Bádminton Intercentros de Cervantes.

O pasado 28 de novembro tivo lugar en Cervantes o II Torneo de Bádminton no CIP de San Román. Bo xogo diversión e convivencia nos Ancares Lucenses entre os nosos rapaces e rapazas, que quedaron con ganas de que se produza a vindeira xuntanza. 

Se queres  saber como foi este Torneo PREME AQUÍ

O IES DE BECERREÁ EN NEGRO CONTRA A VIOLENCIA

Foron moitas as actividades realizadas dentro e fóra do centro para sensibilizar e denunciar a violencia de xénero, todo o alumnado e profesorado do IES de Becerreá implicouse na loita contra a violencia machista

Decoración do vestíbulo realizada  polo profesor de Plástica Lolo Garrido e o alumnado de 1º da ESO.

Os actos comenzaron o pasado 23 de novembro cando o alumnado de 1º de BAC e 1º da ESO, acudiu á Casa da Cultura do Concello de Becerreá, para proceder á lectura do Manifesto, e realizar un pequeno Recital a cargo destes mesmos alumn@s, O Tenente de Alcalde Claudio Vázquez e Noemí López Corredoira, encargada dos Servicios Sociais do Concello conduciron o acto, no que tamén participaron alumnado do CEIP de Becerreá e o grupo musical " Son de Cores". 

O luns 26 de novembro comenzaron os actos no centro, na hora de lecer da mañá tivo lugar un Concerto a cargo do alumnado de Música de 1º de BAC e 1º da ESO, esta actuación estivo apoiada por lingua de signos en galego, interpretada polo alumnado de 2º da ESO.

Actuación alumnado 2º ESO.

Actuación alumnado de 1º de BAC.

Actuación alumnas 1º ESO.

A Marcha Solidaria non competitiva, foi a derradeira actividade deste día, organizada polo Departamento de Educación Física e coa colaboración do Concello de Becerreá, ao remate do percorrido, e chegada á Casa do Concello de Becerreá, Samara, Alumna de 1º de BAC, en compañía do Alcalde da vila, e do Teniente de Alcale, e todos nós, leu un texto e gardamos un minuto de silencio. Xa de volta ao centro penduramos todos os dorsais da Marcha Solidaria no corredor de entrada do centro.

Dende o IES de Becerreá queremos reiterar o noso compromiso para loitar pola erradicación das violencias contra as mulleres, amosando, ademais, o noso firme rexeitamento de quen as exerce e da complicidade de quen as silencia. 

Lectura do texto coas Autoridades do Concello

Fernanda e Fernando explicando a Marcha

         

Pendurado de dorsais

Participantes da Marcha Solidaria

Estes son os VÍDEOS dos actos desenvoltos, tanto no noso centro (o primeiro), como na Casa da Cultura do Concello de Becerreá (o segundo).

                                                   

O IES DE BECERREÁ CELEBRA O DÍA DA CIENCIA EN GALEGO 

Os departamentos de Física e Química, Tecnoloxía, Matemáticas e Música realizaron obradoiros didácticos para celebrar o Día da Ciencia na nosa lingua

Exposición de Arquímedes e do Pórtico da Gloria.

A actividade práctica e lúdica fixo as ledicias do noso alumnado. Durante os períodos de lecer, no vestíbulo do centro, realizáronse obradoiros prácticos durante tres días. As actividades estiveron apoiadas por unha exposición, onde se reflictían os contidos traballados.

Para a ocasión o Departamento de Física e Química construíu un Ludión ou Demo de Descartes, que consiste nun dispositivo ideado por Descartes, co que se experimentan dous dos Principios fundamentais da hidrostática: o Principio de Pascal, e o Principio de Arquímedes, ademais  recrearon un dos experimentos de Arquímedes consistente nun sistema de poleas.

O Departamento de Tecnoloxía foi o encargado da contrución dun Parafuso de Arquímedes, que é unha máquina gravimétrica helicoidal utilizada para a elevación de auga, fariña, cereais ou material escavado. Foi inventado no século III a. C. por Arquímedes, do que recibe o seu nome, aínda que existen hipóteses de que xa era utilizado no Antigo Exipto.

Parafuso construido en Tecnoloxía

Ludións realizados polo profesorado.

O alumnado de 1º da ESO de Música realizou unha exposición sobre "Os 24 Anciáns Sabios do Pórtico da Gloria", que rematou cun animado kahoot no que participou todo o centro.

Gabriel, Alejo e Sito de 1º da ESO, facendo a exposición.

Para rematar o Departamento de Matemáticas, axudounos a descubrir o número Pi de forma práctica.

Obradoiro do Número Pi.

PREME AQUÍ para ver máis fotos das actividades desenvoltas e AQUÍ para ver o vídeo explicativo do Ludión (principio de Arquímides).

NOVA EDICIÓN DO TICODIARIO DO ALUMNADO DE 1º DE BAC DO IES  DE BECERREÁ

Xa cumprimos a sétima edición deste TICODIARIO, emitido e elaborado polo alumnado de 1º de BAC, o pasado 16 de novembro, durante a súa visita á Fundación TIC

Alumnado de 1º de BAC  cos seus Profes

Álvaro e Juanca, profes do IES de Becerreá na Fundación TIC

                             TICODIARIO 2018 IES DE BECERREÁ

MAGOSTO 2018

O  pasado 15 de novembro celebramos pola tarde, o tradicional Magosto organizado polo alumnado de 4º da ESO

Alumnado de 4º da eso organizador do Magosto 2018

A tarde comenzou cargada de diversión, xogos populares, Karaoke, concurso de chistes, doces elaborados polo alumnado de 1º de BAC e 4º da ESO, e por suposto coma non podían faltar, castañas asadas. 

Parabéns a tod@s os organizadores e participantes.

Algúns alumnos e profes comenzando a festa.

Andrei e Jorge.

Alumnos de 4º con Ramón.

Vero e Iris.

Roberto.

Profe DJ.



PREME AQUÍ PARA VER AS TODAS FOTOS

SAMAÍN 2018

O 31 de outubro tivo lugar unha lúdica celebración do Samaín conducida polo  alumnado de 4º e 1º da ESO, na que a cultura e a diversión foron protagonistas  

Alumnado e profesorado participante no Túnel do Terror

Foron moitas as actividades e a colaboración de toda a comunidade educativa no Samaín 2018

PREME AQUÍ PARA VER AS FOTOS

O alumnado de 4º da ESO foi o encargado da   decoración do vestíbulo do centro. Nesta   actividade colaboraron o departamento de     Tecnoloxía, Plástica, Orientación, e a Titoría de 4º da ESO. O alumnado de Tenoloxía  elaborou unha terrorífica noiva defunta con sensores, que resultou unha atracción para todos. 

 Decoración  Samaín 2018

Durante 10 días o alumnado, e mesmo o profesorado do centro acudiron a un obradoiro de maquillaxe que organizaron o Departamento de Plástica e o Equipo de Dinamización Lingüística nas horas de lecer. Este obradoiro materializouse o 31 de outubro, cando os asistentes ao curso de maquillaxe de terror puxeron en práctica as  habilidades adquiridas, caracterizando a todo o alumnado e a algún pobre profesor do centro.

A titora de 1º da ESO e o alumnado deste curso, realizaron unha presentación do Samaín no que se reflicte a súa orixe e evolución a través do tempo. Ademais o alumnado de 1º da ESO presentou uns relatos de terror que realizaron en Lingua Galega. O Departamento de Lingua Extranxeira tamén se sumou  deleitándonos cuns Poemas Góticos, en inglés, que recitaron as alumnas de 4º da ESO, para todo o Instituto.

PREME PARA VER O VÍDEO

Vídeo  actividades 2018 Corredor do terror

                                        

Pero non remataron aquí as actividades, xa que o alumnado de 4º da ESO organizou un Corredor do Terror na planta baixa do edificio novo do centro, que se decorou e que resultou do máis divertido e terrorífico. Os actores deste corredor foron os propios alumnos de 4º da ESO e profesores caracterizados de diferentes personaxes de terror. A decoración incluía efectos especiais de son, luz , fume, que ambientaron o centro coma se dunha terrorífica película se tratase.

PARABÉNS a todos os participantes e colaboradores desta actividade, que fixeron deste día un Samaín moi especial.

POEMAS DE AMOR EN OUTONO

Toño Núñez, escritor e mestre, xunto con Alfredo G. Vilela, presentan no IES de Becerreá "Poemas de Amor en Outono"

Cartaz do acto

Nado en Navia de Suarna, e acompañado polo músico e veciño de Becerreá Alfredo G Vilela, presentounos  seu libro " Poemas de Amor en Outono". Toño e Alfredo  acudiron ao centro, na tarde do xoves para amosarnos esta obra poética chea de amor á terra, á fala, ó sangue e á amizade, dunha forma persoal e íntima onde a música e a poesía se fundiron nun acto, que nos adentrou na nosa querida terra.

BIOGRAFÍA TOÑO NÚÑEZ

Alumnado Afondamento de Lingua Galega 1º de BAC

O alumnado de Afondamento en Lingua Galega de 1º de BAC presentou o acto ao que acudiu todo o alumnado do centro, pais, nais, e algún veciño da Vila de Becerreá. Os presentadores fixeron un acercamento á vida e obra deste escritor e mestre da nosa comarca, que sen dúbida nos fai sentir orgullosos da nosa identidade.

Toño Núñez e Alfredo G. Vilela

PREME AQUÍ PARA VER O VIDEO DO ACTO

PREME AQUÍ PARA VER AS FOTOS DO ACTO

V PREMIO IES DE BECERREÁ Á PROMOCIÓN DA LINGUA E A CULTURA GALEGA  NA COMARCA DOS ANCARES

 Fuco Pérez e Xavier Moure , Premiados na V Edición do Premio da Lingua e da Cultura galega do IES de Becerreá 

       Celebramos no salón de actos do IES de Becerreá a quinta edición do galardón creado polo Equipo de Dinamización Lingüística do noso centro, cuxo acto de entrega tivo lugar o xoves 21 de xuño, coa asistencia e intervención dos doas representantes premiados; Xavier Moure, pola súa labor na Asociación cultural Patrimonio dos Ancares ( na categoría de persoas, asociacións, entidades ou colectivos involucrados ou que traballen directamente no labor cultural), e na categoría de iniciativas privadas, empresariais ou comerciais atribuíselle o premio a Fuco Pérez pola “ Casa Museo do Sexto”. Asistiron ao acto a comisión creada para este fin, o alumnado e docentes  do centro, familiares dos premiados, o equipo directivo e veciños da comarca que se acercaron a este tan emotivo acto.

Nesta ocasión, as pezas da artesanía entregadas como galardón eran dúas fontes feitas a torno  elaboradas polo artesán da zona Ignacio Gómez Abrao. O acto foi moi emotivo.

Premiados, maila comisión do Premio 

VÍDEO DO ACTO

"O PROGRESO DOS ANCARES " PREMIADO NO CONCURSO ESCOLA DE PRENSA "EL PROGRESO" 2017/2018

O IES de Becerreá é o centro con máis premios individuais da segunda edición da Escola de Prensa de "El Progreso"

"O Progreso dos Ancares atópase exposto no vestíbulo do centro, e ademáis podes velo enteiro neste blog, na marxe dereita, en ESCOLA DE PRENSA. O proxecto pretende achegar o mundo xornalístico ao alumnado. Debido aos resultados acadados non cabe dúbida de que no  IES de Becerreá hai madeira de xornalistas. Parabéns a tod@s os participantes polo traballo, a ilusión e o esforzo.

PREME AQUÍ PARA VER AS FOTOS DA EXPOSICIÓN

Os premios acadados foron os segintes:

Mellor información de tendencias polo artigo "Modas virais e memes nas redes sociais", de Yolanda Fernández e Samara Rodríguez.

Mellor entrevista a Emma Pulido, carteira, pintora e artirta de Antón López.      

                                                         

Mellor información cultural, pola tradución                  Mellor contraportada: Antía Álvarez

ao marroquí de "Airiños Airiños Aires" de Rosalía.

                                                         

                                                         

Premio especial Leyma mellor artigo da leite : Tamara Simón Ferreiro, e Marcela Miñambres.

                                      

PREME AQUÍ para ver as fotos dos galardóns e do alumnado participante.

E este é o vídeo do acto de entrega dos galardóns aos nosos alumn@s.

CELEBRACIÓN DAS LETRAS GALEGAS 2018

CON GRAN IMPLICACIÓN DE TODO O CENTRO CELEBRAMOS ESTE ACTO AO REDOR DAS NOSAS LETRAS E A  NOSA LINGUA  COORDINADO POLO EDL 

Exposición María Victoria Mosreno de EDL

Cada ano no IES de Becerreá o Día das letras Galegas convócamos a esta cita na que facemos a nosa homenaxe  non só á personalidade de cada ano, senón tamén ás nosas letras e á nosa lingua en xeral. Con música, arte e por suposto  literatura.

Exposición concurso de Tapas

O alumnado de Afondamento de Lingua Galega conduciu o acto que comenzou coa entrega de premios de dous concursos, un dende o  Departamento de Plástica "Concurso de Tapas", e outro concurso organizado pola Biblioteca "Certame literario" no que participaron o alumnado de 1º e 2º da ESO de Lingua Galega.

A continuación o Alumnado de Afondamento de Lingua Galega realizou unha presentación sobre a vida e a obra da escritora elixida pola RAG, María Victoria Moreno, unha galega fóra de Galicia, quen naceu para a galeguidade en Lugo durante os dous cursos nos que impartiu clases na nosa capital. Aquí agromou o seu grande amor pola fala.

                                                                                        Alumnado de Afondamento de Lingua Galega 1º de BAC

        

Grupo musical " Obertura Galega"

O Departamento de Música clausurou o acto  co "Concerto pola Lingua no que actuaron o grupo de música galega do centro "Obertura Galega", o alumnado de música de 1º de BAC ademais da actuación dos profesores do centro Ramón Gutierrez, Xesús Folgueira, Ignacio Cabarcos  e Luz Bermúdez que interpretaron "Lua de Prata" de Elexías de Luz de María Victoria Moreno.





AQUÍ podes ver algunhas fotos do acto, e este é o video con todas as actividades desenvoltas nesta xornada festiva no IES de Becerreá. Parabéns para tod@s

                                         Video do acto letras galega 2018 IES de Becerreá             
               

O ALUMNADO DE AFONDAMENTO DE LINGUA GALEGA FINALISTA NO CONCURSO DE VIDEOPOEMAS DE MANUEL MARÍA 2018

O alumnado de Afondamento de Lingua Galega quedou clasificado para a final de Videopoemas de Manuel María, co seu video "Rosalía vive en nós". 

O pasado 19 de maio celebrouse na Casa Museo de Manuel maría a segunda edición deste concurso de videopoemas, na que participaron máis de 120 alumnas/os de distintas localidades galegas (Vigo, Becerreá, Lugo, Dodro, Verín, Castro Caldelas, Burela, Rianxo, Quiroga, Fene, Portas, Betanzos, Porriño, Narón e Bueu) e a súa finalidade é potenciar a creatividade artística a través da harmonía entre palabra e imaxe ademáis de difundir a obra de Rosalía e Manuel María.

O xurado salientou, “A alta calidade, a diversidade de temáticas presentadas e o feito da súa extensión polos distintos centros educativos do país, mostra da consolidación do concurso”.

Xiana Collazo Rial, do CPI Eusebio Lorenzo Baleirón de Dodro, co videopoema “Lúa descolorida”, e Sara Casanova Martínez, do IES de Quiroga, co videopoema “Negra sombra”, foron as premiadas da II edición do Concurso de videopoemas sobre composicións poéticas de Rosalía e Manuel María que organiza a Casa-Museo Manuel María. Os nosos parabéns para os gañadores e mostrar a nosa satisfacción e ilusión do traballo realizado polos alumnado do IES de Becerreá.

 Velaí o noso videopoema

NOVA VICTORIA DUN EQUIPO DE BECERREÁ NO PARLAMENTO XOVE 2018

Non por repetida, esta vitoria é menos celebrada (se é difícil gañar, máis complicado aínda é manterse). Cuarta vitoria consecutiva xa na categoría de Bacharelato para o IES de Becerreá, o que supón un récord que será imposible esquecer!

O equipo de 2º de Bac (Nerea, María, José Manuel e Silvia) impúxose na final ao Colexio SEK Atlántico (Poio, Pontevedra), coordinados por Xulio, mantendo a "tradición" de vencer neste torneo autonómico de debate. Nos cuartos de final, desenvoltos na xornada do venres 4 de maio, o equipo de 1º de Bac (Marcos, Paula, Xoel e Gabriela) quedaron apeados  da competición polo equipo do Colexio La Salle (Santiago), equipo este que se enfrontou ao de 2º de Bac nas semifinais. Esta eliminación causou sorpresa entre os nosos participantes e coordindadores, xa que as intervencións dos catro alumnos e alumnas de 1º foi excelente.

Por outra parte, Xoel e Silvia foron distinguidos entre os mellores oradores desta modalidade, distinción que só se otorga a cinco participantes.

NOVO ENCONTRO COMARCAL DE PING- PONG NO IES DE BECERREÁ

XORNADA DE CONVIVENCIA NA COMARCA DOS ANCARES EN ESTADO PURO ORGANIZADA NO IES DE BECERREÁ

Outra edición máis deste encontro, no que participou alumnado da ESO dos CPI de Navia, Cervantes, Caurel e Pedrafita, así como o alumnado de 3º da ESO do noso centro, encargado da organización e coordinación do torneo.

Co obxectivo de presentar a este alumnado unha experiencia de convivencia a través do tenis de mesa, un ano máis este alumnos e alumnas déronnos un exemplo de respecto mutuo e colaboración durante toda a xornada. Esta comezou co torneo individual, co alumnado repartido segundo tres niveis de xogo, establecéndose un vencedor por cada mesa (oito en total, nas que participaban oito ou dez xogadores e xagadoras). A continuación, desenvolveuse o torneo de dobres, para o que se establecen parellas que se forman nese momento, baixo a premisa de que deben estar compostas por alumnado de distintos centros. E como sempre, cando chega o remate da xornada queda esa sensación de que o tempo pasa demasiado rápido nalgunhas ocasións, e que esperar un ano para repetir este encontro parece demasiado longo. Grazas a tod@s e ata a próxima edición.

PREME AQUÍ PARA VER AS FOTOS DO EVENTO

O IES DE BECERREÁ PARTICIPA NO CORRELINGUA 2018

"A lingua non para" foi o lema desta XVIII na que o centro participou ca súa pancarta.

O mércores día nove na Praza de Santa María de Lugo reuníronse estudantes de Primaria, Secundaria e Bachelerato para reivindicar un ano máis a importancia do galego. O alumnado de 4º da ESO do IES de Becerreá sumouse a esta iniciativa pola lingua, que se organiza en toda Galicia dende  hai xa 18 anos. Acudiron á Festa Final uns 3.000 rapaces de 56 centros educativos de toda a provincia, que  participaron nos actos da nova de edición Correlingua 2018.

O coordinador Manuel Muñiz destacou que a escola adoita ser en moitos casos a "única relación" dos estudantes coa súa lingua materna. O resto de autoridades apuntaron na mesma dirección e insistiron na importancia de eventos en prol da lingua. O Correlingua será igual en todos os puntos da xeografía galega. En Lugo os rapaces participaron nunha carreira pola muralla e leuse o manifesto “Rapea que a lingua non para”, escrito polos alumnos do IES Antón Fraguas de Santiago de Compostela. O grupo melidense Cuarta Xusta ofreceu un concerto para clausurar o acto. Ademais entregáronse os premios e agasallos a todos os participantes, incluidos o noso centro.